GIPANGANDAMAN sa Monte Cielo memorial park ang pagduaw sa mga tawo sa ilang minahal sa kinabuhi sugod karong adlawa Oktubre 25-28, 2021. Kay tungod nagmando ang labaw sa City Housing and Land Management Office ug IATF nga sirado sa Oktubre 29 hangtod Nobyembre 2 ang tanang pampubliko ug pribadong sementeryo sa Gensan.
Alayon kini sa pag-obserba sa taliabot nga kalag-kalag, gimando ang pagsirado sa mga sementeryo tungod nagpabilin gihapon ang COVID-19 sa lugar. Nag-awhag ang labaw sa Montecielo nga bisitahon na ang mga minatay sugod Lunes hangtod Huwebes ug sundon ang mga gipatuman nga minimum health protocol.
Ginadili usab ang pagkuyog sa mga bata ug senior citizen kun moduaw sa sementeryo. Ang mga trabahante sa Montecielo aduna matud pay pagahimoon nga pagpanglimpyo sa mga lapida ug paghalad og mga bulak ngadto sa mga lubnganan nga walay miduaw nga pamilya. ( Enamie Mogpon)
