LESS infectious ang monkeypox itandi sa ubang viruses sama sa COVID-19 ug uban pa.
Kini ang gibutyag ni Dr. Fidel Peñamante, presidente sa Philippine Medical Association o PMA-GenSan nga kasamtangan wala pay kaso sa Pilipinas sa monkeypox.
Gipaklaro niini ang monkeypox usa ka viral infection nga ang simtomas rashes nga magsugod sa nawong nga gamayng butoy butoy ug mokanaog sa ubang parte sa lawas.
Masinatian usab ang kalintura, pagpanakit sa lawas, daling kapuyon ug unang mogawas ang rashes sulod sa una hangtud tulo ka adlaw.
Makuha ang monkeypox sa prolonged exposure sa tawo nga aduna niining maong sakit pinaagi sa body fluids asa kabahin niini ang sexual contact, open wound nga masudlan sa maong virus ug wala pagsuot og protective gear sa mga health workers nga gaatiman sa pasyente nga may monkeypox.
Sa lugar nga kulang ang igong supportive care, mas daghan ang matalang kaso sa monkeypox nga endemic sa Africa apan may kapin 16 ka nasud nga nakatala sa maong sakit ning panahuna.
Kung may igong tambal, dali lang mamaayo ang monkeypox tungod self limiting ang virus, ug 1 is to 1 person lang ang transmission dili sama sa COVID-19 ug mga subvariants nga mas sobra sa usa ang matakdan gikan sa infected nga tawo.
