GIPAKUSGAN sa The Philippine Drug Enforcement Agency (PDEA) sa Soccsksargen region ang pagbantay sa transaksyon sa iligal nga droga. Isip preparasyon dungan sa taliabot nga holiday seasons asa sagad mosaka ang demand sa gidiling droga sa rehiyon.
Matud ni Kath Abad, tigpamaba sa PDEA-12 isip ‘consuming’ rehiyon sa sa gidiling droga gikan sa kasigbit sa lugar sama sa Maguindanao. Gilaoman nila ang pag-abot sa supply pinaagi sa paggamit sa Public Utility Vehicles (PUVs) ug mga pribadong sakyanan.
Dugang ni Abad, shabu ang sagad ginapili sa tiggamit nga gamiton, base sa nasikop nga personalidad ug nakumpiskang shabu atong 2019 ug 2020. Apan dunay naggamit og marijuana gumikan sa pagkumpiska nila sa maong tanum sa kabukirang bahin sa probinsiya sa rehiyon.
Samtang 974 ka barangay ang gideklarang drug cleared sa epekto sa iligal nga droga gikan sa kinatibuk-ang 1,153. Sakop sa Soccsksargen, ang North Cotabato, Sultan Kudarat, South Cotabato, Sarangani ug General Santos City. (Richel Gubalani)
