KORONADAL CITY — NAGPAPATULOY pa rin ang monitoring ng Municipal Disaster Risk Reduction and Management Office o MDRRMO – Lake Sebu sa mga barangay na nakapagtala ng landslide o flash floods dahil sa mga nararanasang pag-ulan.
Sa panayam ng Brigada News Fm Koronadal kay MDRRMO Officer Roberto Bagong, sinabi nito madalas ang nangyayaring landslide sakaling may pag-ulan dahil landslide-prone area ang Lake Sebu.
Nitong mga nakaraang araw, may mga barangay umanong nakapag-report ng landslide at flashfloods ngunit wala namang nasugatan o namatay sa mga insidente.
Patuloy din umano ang kanilang pakikipag-ugnayan sa mga barangay upang masigurong ligtas ang mga residente sa nabanggit na kalamidad.
