Patay ang miyembro sang LGBTQIA+ matapos ginbuno sang wala makilala nga suspek sa Sitio Bato, Brgy. Banica, Roxas City takna alas 11:40 kagab-i sang Miyerkules, Pebrero 7.
Ang biktima ang nagasuksok sang dress nga dirty white kag indi man matumod ang pagkakilalan.
Sandig sa impormasyon nagikan sa Roxas Component City Police Station, samtang nagatindog ang biktima sa higad sang karsada, hinali nalang nag-abot ang suspek kag ginbuno ini sang makaduha ka beses.
Bangud sa natabo, nag-angkon sang pilas sa nawala nga porsyon sang liog kag kili-kili ang biktima kun sa diin madasig nga gindala sang Roxas City Emergency Response Team sa Health Centrum Hospital apang ini ang gindekalara sang doktor nga dead on arrival.
Gilayon naman nga nagpalagyo ang suspek sa indi matumod nga direksyon.
Narekober naman sang kapulisan sa crime scene ang 5 ka bala sang 9mm pistol.
Sa karon, padayon ang imbestigasyon sang mga otoridad agud matumod ang pagkakilalan sang suspek agud madakpan. | Judy Ann Juare
