ILOILO CITY — Patay ro sangka ginasugid nga miyembro t LGBT Community matapos owa segun ginbayaran ro daywa ka eaeaki nga anang naka one-night stand sa Nabitasan, La Paz, Iloilo City.
Sa report, ginkilaea ro biktima nga si Johny Tan, 59yo, residente it Yulo Arroyo, Iloilo City Proper.
Ro mga suspek hay magkaeampod nga sanday John Paul Dubria, 20yo, ag Tammy Banesio, 18yo, parehung residente it Valderrama, Antique.
Nasayuran nga owa gintuman it biktima ro anang promisa sa mga suspek nga pagabayran ro mga raya it P1,500 kada sambilog kabaylo it one-night stand kung siin ro kwarta hay pagagamiton nanda bilang pamasahe pauli sa Antique.
Bangud sa andang kaakig sa biktima, ginsueod nanda raya sa kulungan it ayam ag dikara nanda gin-gilitan sa leog ag ginbuno sa dughan gamit ro kitchen knife.
Kinuyog man it pumueuyo ro mga suspek bago inaresto it mga pulis. / ANN DESLENE SALAZAR
