Boluntaryo nga nagsungka sa Roxas Component City Police Station ang isa ka mister nga wanted sa kaso nga pagpangwat takna alas 10:10 kahapon sang aga, Miyerkules, Hunyo 26.
Ginkilala ang akusado kay Alejandro Espinosa alyas “Hapon”, 51-anyos, residente sang Zamora Street, Brgy. VI, Roxas City.
Ang warrant of arrest ang gin-isyu kag ginpermahan ni Hon. Jeffrey D. Almalbis, Presiding Judge, Municipal Trial Court, 6th Judicial Region, Branch 1, Roxas City napetsahan Enero 22, 2003.
Ginrekomendar sang korte ang P10,000 nga piyansa para sa iya temporaryo nga kahilwayan.
Sa karon, nagapabilin sa kustodiya sang Roxas City PNP si Espinosa para sa nagakaigo nga disposisyon. | Judy Ann Juare
