Naka-angkon sang pilas sa nagkatuhay nga parte sang kalawasan ang isa ka mister matapos ginlabo sang iya manlang kaupod sa ilimnan bangud sa wala pag-intindihanay, gab-i sang Hunyo 7 sa Barangay Agambulong, Jamindan, Capiz.
Sandig sa imbestigasyon sang Jamindan PNP, ginapahayag nga lunsay yara sa impluwensya sang makahulubog nga ilimnon ang biktima nga si Mortaldino Candelario, 46-anyos, residente sang Brgy. Maantol sa nasambit nga banwa kag ang ginatudlo suspek nga si Ryan Olisco, residente sang Brgy. Talon, Roxas City.
Gilayon nga gindala ang biktima sang Jamindan MDRRMO sa pinakamalapit nga ospitala agud dapatan sang pagbulong, samtang padayon naman nga gina-ayam sang kapulisan ang suspek matapos nagpalagyo. | KMD Gicalde
