Gipa-alerto karon sa Misamis Oriental Provincial Inter-Agency Task Force Against COVID-19 ang katawhan nga magpabiling magbinantayon batok sa COVID-19 tungod padayon gihapon ang takod niini.
Gihimo kini pamahayag ni Provincial IATF Against COVID-19 Chief Dr. Jerie Calingasan homan nabantayan nga nag-kompiyansa karon ang katawhan gumikan sa mas gipaluag nga restriksyon.
Kung makita sa datos, tinuod nga dunay pag-ubos sa kaso apan dili matud pa angay kompiyansaan tungod posibli pa kini nga musaka.
Kini sama nalang sa nahitabo sa datos sa tibuok nasod nga gikan niadtong nakalabay nga semana Nobyembre 16 mitala og ubos nga kaso nga anaa lamang sa 849 apan mi-anam kini og saka hangtod sa Nobyembre 21 nga mitala sa 2,227 ka bag-ong kaso. (Claudine)
