DILI konsentihon ang iyang anak kon nakahimo og kremin ug gipaklaro sa iladong broadcaster sa Gensan nga dili siya maoy suspek sa report nga pagpanglugos sa usa ka 15-anyos nga babaye.
Sa paghinabi sa 89.5 Brigada News FM Gensan kay Mick Maramara kanhi nagatrabaho sa usa ka estasyon sa syudad ug ilado sa kadaghanan sa iyang programa sa radyo,sumala niini nga kon sad-an ang iyang anak nga si Jomar dili siya molaban niini.
Gipaklaro ni Maramara nga sayop ang unang impormasyon nga siya ang suspek kay anaa lang siya sa ilang balay ug naga-recover gikan sa pagka- stroke.
Ang gitudlong usa sa pito ka suspek mao ang iyang kamagwangan nga anak nga si Jomar, 34-anyos nagatrabaho isip tanod ug driver sa Barangay Apopong may asawa ug may anak apan bulag sa asawa ug nagpuyo sa Sogod, Apopong ug atlarge hangtud sa oras nga naghinabi ang Brigada sa amahan.
Gidugang ni Mick Maramara nga gi-adtuan na sa kapulisan ug mga tanod sa barangay ang ilang balay ug giatubang na niya apan wala sa ilang balay sa DBP Homes ang iyang anak, dili usab makontak ang dalang cellphone, andam daw kini nga itugyan sa otoridad.
Nagapasamalat usab si Maramara nga gi-adtoan sa Brigada aron personal nga maghatag pagpaklaro sa nahitabo ug sa iyang panaglan,kay usa siya ka broadcaster, 11-ka tuig usab nga konsehal sa Barangay Apopong ug nag-alagad usab sa simbahan isip liko.
Sa bahin sa kapulisan gikumperma ni PMajorPatrich Elma nga adlaw nga Lunes mopasaka sila og kasong lugos, human nakuha na ang resulta sa medical kun genital examination nga nagapamatuod nga adunay gasgas sa pwerta sa biktima.
Gidugang ni Elma nga anaa na usab sa kustodiya sa City Social Welfare and Development Office kon CSWDO ang biktimang babaye. ( Ever Diazon)
