Binuno it gunting ru waea nga parte it tiyan ru ama it sariling 20 anyos nga unga matapos magsaeabtanan sa mismong panimaeay sa Brgy. Bakhaw Sur, Kalibo, Aklan kahapon.
Sa imbistigasyon it Kalibo Municipal Police Station, nakilaea ru biktima nga si Dinnis Silva, 42 anyos , ama it suspek.
Samtang, nakilaea ru suspek nga si Denne Zanbrex Silva, tanan mga residente it nasambit nga lugar.
Nagkainitan sa pag discussion ru biktima ag suspek matapos mag sugid ru igamanghod it suspek nga uwa sanda gid pakan-a it andang ama.
Unang binayo it ama ru suspek dayon bumaeos rason nga binuno ru biktima.
Confine pa sa makaron ru biktima sa hospital para sa naga kaigo nga pag bueong samtang ru suspek hay detained sa sa Kalibo MPS para sa naga kaigo nga disposition.//MARIVIC Y. ILIN
