Ginrekomenda it Mines and Geosciences Bureau (MGB) sa Western Visayas ro pag-update it geohazard map agud makaeakip ro mga lugar nga nakabatyag it pagbaha ag pagguhos it eugta sa kasagsagan it pagpanalasa it Tropical Depression “Agaton” ku Abril.
Ginsuportahan man it Regional Disaster Risk Reduction and Management Council (RDRRMC) ro tikang ngara it MGB.
Base pa kay Cindy Ferrer, information officer it Office of Civil Defense ag spokesperson it RDRRMC, 73 rain-induced landslides ro namonitor ku “Agaton”: 18 halin sa Capiz, 24 sa probinsiya it Iloilo, 23 sa Antique, pito man sa Negros Occidental, ag sambilog sa Aklan.
Ginrekomenda man it MGB ro pagsaylo it mga residente nga sa critical geohazard zone ag ro pagbawae it pagpatindog sa anuman nga imprastraktura sa mga lugar ngara./JIL B. LACSON
