-Reymund Titong
KABANKALAN CITY, Negros Occidental — Sa una pa lang nga pito ka bulan sang tuig 2024, nag lab-ot na sa 1.15 million ka mga ‘same day kag overnight’ nga mga turista ang nagsulod sa probinsya sang Negros Occidental.
Pahayag ni Negros Occidental provincial tourism officer Cheryl Decena, base sa mga datus nga ginapasa sang tagsa ka mga local government unit (LGU) sa probinsya, sa bulan sang Hulyo, naka rekord ang probinsya sang 793,000 ka mga same day nga mga turista, ukon mga tawo nga nagbisita sa isa ka lugar sa sulod sang 24 oras.
Samtang, naka rekord man ang probinsya sang 358, 008 ka mga ‘overnight tourists’ ukon ang mga turista nga nagbisita sa probinsya sang masobra 24 oras.
Nagasalig man si Decena nga mas mataasan pa gid ang numero sang mga turista nga nagsulod sa probinsya sang tinalikdan nga tuig, paagi sa pagdihon sang nagkalainlain nga mga tourism promotion initiatives.
Dugang pa ni Decena nga apisar sang nagluntad nga malawig nga dry spells kag paglupok sang bulkan Kanlaon, madamo sa giyapon nga mga turista ang nagakadto sa probinsya agud nga mag bakasyon kag maglagaw.*
