May pagtaas sa sweldu it mga trabahador sa pribadong sector sa Western Visayas sa masunod nga buean, base sa Department of Labor and Employment (DOLE).
Raya hay matapos ipagtibay it National Wages and Productivity Commission (NWPC), attached agency it DOLE, ro mandu nga magatao it P30 nga increase sa daily minimum wage sa rehiyon.
Ro daily minimum wage rates hay magiging P480 para sa non-agricultural/industrial/commercial establishments nga may masobra sa 10 ka trabahador samtang P450 para sa mga establishment nga may 10 trabahador o mas manaba, ag P440 para sa mga trabahador sa agrikultura.
Ro mga Kasambahay o domestic workers sa rehiyon hay makaangkon man it increase nga P500, kung siin ro andang bueanan nga minimum wage rate hay kapin sa P5,000 halin sa P4,500.
Sakop sa nasambit nga pay hike ro mga probinsya it Aklan, Antique, Capiz, Guimaras, Iloilo ag Negros Occidental ag ro highly urbanized cities it Iloilo ag Bacolod, ag igapatuman eon raya sa November 16. // ANN DESLENE SALAZAR
