MANAGLAHI ang reaksyon sa pipila ka katawhan kalabot sa nadaugan sa syudad sa kaso nga gipasang-at ngadto sa Construction Industry Arbitration Commission kon CIAC batok sa usa ka construction firm ug Insurance Corporation nga wala nakahimo sa ilang trabaho.
Sumala sa usa ka gwardiya nga si Ronnie Arabis dapat lang nga pabayaron ang kontraktor ug insurer gumikan wala natuman ang kontrata, susama daw sa abroad nga kon dili kahuman sa kontrata magbayad sa employer.
Sa bahin usab sa usa ka construction worker nga si Vergilio Yuzon nga dapat dili pabayron ang contractor kon wala man lang nakakuha og kwarta,nagduda daw siya nga adunay wala nagakasinabot sa mao nga proyekto.
Gipasabot usab sa Assistant City Legal Officer nga si Atty. Marithes Taniegra nga sa ilang bahin usa ka kalampusan ang Notice of Award sa Arbitral Tribunal sa CIAC kay kon ang usa ka contractor nga wala nakahuman sa iyang trabaho o kaha wala nakaabot sa 25 porsyento nga agi dili kini makakuha ug paunang bayad.
Gidugang ni Taniegra nga kon makakuha man sa advance payment gumikan lampas sa 25 porsyento ang agi bawion gihapon sa syudad ang nabayad.
Kon mabawi sumala pa ang performance bond ug ang advance payment bond makabawi sumala pa ang City Government ugaling lang malangay ang proyekto gumikan moagi na usab kini sa uno,unya madugay ang pag benipisyo sa katawhan.
Kahibaluan nga ginapabayad sa Arbitral Tribunal ang Granby Construction ug ang Travellers Insurance Corporation gumikan gibiyaan ang proyekto sa City Engineers Office sa Barangay Bula. I Ver Diazon
