Uman nga nagainabo ro mga turista nga nagabakasyun sa isla it Boracay.
Kaabuan sa mga bakasyunista hay halin sa National Capital Region (NCR) nga naglista it 9,625.
Base sa Malay Tourism Office, halin it October 1 to 17, nailista ro 12,877 nga mga turista nga bumisita sa Boracay.
Ku nagtaliwan nga adlaw hay spotted sa isla ro celebrity couple nga sanday Julia Barretto ag Gerald Anderson.
Ginaeauman nga mas magadugang ro bakasyunista sa Boracay sa oras nga pasugtan ro apela it lokal nga gobyerno nga ipaidaeum ro Aklan sa MGCQ.
Kinhangean gihapon nga magpresenta it negative RT-PCR test result ro magasueod sa isla it Boracay. / ANN DESLENE SALAZAR
