KALIBO, AKLAN—Nagapanguna gihapon do mga turistang maghalin sa National Capital Region (NCR) sa mga nagbakasyon sa isla it Boracay.
Base sa datos nga ginpaguwa it Malay Tourism Office umpisa July 1-25,2021, 29,660 do kabilugang bumisita sa isla kung siin nagaabot sa 19,305 do mga taga-NCR, ginasundan man it mga bakasyunista halin sa Region IV-A (CALABARZON) nga may 6,374, taga-Central Luzon nga may 2,213 samtang do mga Aklanons hay 504.
Sa nasambit nga datos, do edad 13-59 do pinakamaabong nagbakasyon nga nagaabot sa 16,497 ag mas maabo man do mga babayeng bakasyunista kaysa sa mga eaeaki kung siin kaabuan sa mga raya hay via air do mode of transportation. // SHERRY ANNE REUNIR-VIDAL
