PATUYUKON na usab ni Regional Director sa Land Transportation Office o LTO-12 Director Macario Gonzaga ang mga law enforcers sa LTO sa mga kadalanan ug terminal aron mag-check sa road worthiness sa mga sakyanan.
Kini human sa nahitabong banggaanay sa national highway sa Brgy.Batomelong, GenSan nga gikamatay sa 10 ka tawo ug upat ang samdan.
Segun ni Gonzaga nga nasuta sa ilang mga imbestigador nga ang pagkaupaw na sa ligid sa van ang nakitang hinungdan sa road crashed.
Sa isyu sa overspeeding ang kasagaran sa mga commuter van ang LTFRB matud pa ang adunay katungod sa pagpahamtang og sanction ug mahimo usab i-revoke sa LTO ang lisensya.
Aminado si Gonzaga nga mas istrikto na karon ang pagkuha og drivers license aron mahatagan ang kadtong kuwalipikado ug disiplinadong driver.
Human sa insidente, takdang magpahigayon og seminar sa pakig-alayun sa mga LGU alang sa safety driving labi na sa mga gina-hire nga driver.
