DUNGAN sa bahad ni Konsehal Dominador Lagare Jr. nga ipasirado ang mga nagahimo og sidecar sa tricycle sa GenSan tungod nakasupak kini sa balaod ug misamot ang pagdaghan sa mga tricycle nga nagadagan sa syudad.
Gihingusgan ni Roberto Abad tag-iya og shop nga igo lang siya naga-repair og mga guba nga sidecar sa tricycle ug dili pirmamente nga adunay magpaayo nga mga kostumer sa iyang shop.
Nagadawat lang matud pa siya og kostumer nga magpa-repair o kaha magpapintura sa ilang mga sakyanan. Butyag ni Abad dili tanang adlaw naa siyay kostumer. Unya paigo lang ang iyang ginansya tungod sa kataas sa presyo sa mga materyales ug pintura.
Una nang gibutyag ni Konsehal Lagare nga mikabat na sa kapin 30,000 ang unit sa mga tricycle nga naa sa syudad maoy hinungdan nga hugot niyang gimando ang pagpaundang sa nagahimo og sidecar sa tricycle kung madakpan posibleng makamulta o e-kumpiska ang ilang mga sakyanan ilabi na kung wala ma-accredit sa gobyerno ang ilang mga shop. I Enamie Mogpon
