Makabaton it special leave ag date money nga nagabalor sa P2,000 pesos sa Valentine’s Day ro tanan nga single regular employees it Caluya Municipal Hall.
Raya ro naging kumpirmasyon it alkade it Caluya, Antique.
Dugang pa nana, ginapsugtan nana ro mga regular single employees nga mag-apply it special leave sa Araw ng mga Puso. Nagta-o man imaw it P2,000.00 date money para panggastos sa andang date.
Agud ma-verify ro andang nasambitan nga date, ginhambae it alkade nga kinahangean sanda nga magbuo-e it selfie o mga picture nga sanda hay naga-date kaibahan ro kapareha.
Ginhambae pa nana nga paagi sa rayang inisyatiba magiging inspired ag motivated ro mga empleyado./JIL B. LACSON
