Ku nagtaliwan nga buean, 823 ka mga vehicular accident ro narekord sa bieog nga rehiyon, eaya hay base sa datos it Police Regional Office 6 (PRO-6).
Halin sa nasambitan nga numero, 40 dikara hay namatay.
Ro probinsiya it Iloilo ro nagrekord it pinakamaabong report it mga aksidente nga nagaabot sa 257; nagapangywa ro Iloilo City nga may 247 ag masunod ro probinsiya it Capiz nga may 113.
Base kay Police Lieutenant Colonel Arnel Solis, tagapagsalita it PRO-6, ro mga motor vehicles nga naaksidente hay haeos mga motorsiklo.
Ginkumbinse man ni Solis ro mga driver nga mas maghaeong sa pagmaneho agud malikawan ro mga aksidente./JIL B. LACSON
