NAGA CITY- Tuloy-tuloy ang bakunahan sa Naga City lalo na ngayong palapit na ng palapit ang Peñafrancia Festival, ang lokal na pamahalaan ay suportado ng simbahan sa hakbang na ito.
Sa Joint Statement nakasaad na simula ngayong araw Agosto 24 hanggang Set. 4, 2022 magiging venue ang simbahan sa bakunahan laban sa COVID-19, maliban pa ito sa SM City Naga.
Ang 50-anyos at pataas ay dapat na nakatanggap na ng 2nd booster dose habang ang 18-49 anyos naman ay dapat na naturukan na ng first booster, pati mga bata dapat bakunado.
Sa mensahe ng Archdiocese of Caceres na binasa ni Chancellor Rev. Fr. Darius Romualdo nakasaad na hinihikayat din ang mga LGUs na paigtingin ang pagbabakuna lalo na sa mga dadalo sa mga aktibidad sa Naga.
