GISUGDAN na sa Department of Social Welfare and Development Office kon DSWD ang pag-apod apod sa social pension sa mga senior citizen sa General Santos City nga mokabat sa 13,000 ka mga pensioners nga nagadawat og P6,000 mil ka pesos.
Sa pahayag sa labaw sa City Social Welfare and Development Office kon CSWDO nga si Rebeca Magante ang payout nagsugod Agusto 17 hangtud Agusto 28, 2021 kapin 13,000 ang maka-payout nga modawat og tag P6,000 pesos, 1,123 ang taga Barangay Labangal ug duha ka adlaw ang payout, mosunod usab ang payout sa ubang mga barangay.
Samtang sa walo ka libo nga waitlisted kapin kapin pito ka libo ka mga senior citizens ang na-aprubahan na sa DSWD national hulaton nalang daw sa mga naulahi kon may payout na.
Malipayon usab ang mga nakadawat sa pension usa niini si Fredualdo Baron, 68-anyos nga taga Saway, Zone 5, Labangal, sumala niini nga iyang ipalit og konsumo ang nadawat nga P6,000 pesos, ikaduha ka higayon na nga nidawat sa social pension.
Sumala kay Bernadetha Baron, 64-anyos taga Purok Matinabangon, Labangal nagapasalamat siya sa gobyerno kay makapalit na siya og tambal para sa iyang mga sakit, sama sa diabetes, sa kasing kasing ug sa highblood pressure,nagadawat na daw siya sugod sa edad 62-anyos. ( Ever Diazon)
