GIPAKLARO sa labaw sa TEU nga si PMajor Oliver Pauya nga dili pa puwedeng i-release ang traysikel ug motorsiklo sa mga biktima sa nahitabong bangga sa Nopol Road, Barangay Conel tungod wala pay final settlement ang mga kabanay ug naa pa sa ospital ang mga batan-on nga sakay sa traysikel. Matud ni Pauya nga ang nagmaneho sa traysikel usa ka minor de edad samtang ang drayber sa motorsiklo walay lisensya, usa sab kini sa ilang nahimong basihan nga dili pa i-release ang nalambigit nga sakyanan.
Nasayran nga sa maong insidente atong Agosto 6 patay ang drayber sa motorsiklo nga si Bonifacio Bayani, 40-anyos, residente sa Purok 5, Barangay Conel, GenSan. Nagpaabot og pahisubo ang kapulisan sa hingtungdan pamilya.
Kahibaloan ang pagpaklaro ni Pauya dungan sa hangyo sa mga kabanay nga i-release na ang ilang mga sakyanan gikan sa impounding area sa otoridad. I Enamie Mogpon
