Nagpanawagan ro sugar migrant workers okun ‘sacada’ desk it provincial government it Antique sa mga contractors nga i-enroll ro andang mga trabahador sa Social Security System (SSS).
Base sa pamunuan it Sacada desk nga sanda hay makikipagpulong sa 63 ka sacada contactors sa Hulyo 13 agud istoryahan ro mga bag-ong requirements para i-hire ro 3,286 nga mga trabahador halin sa Antique para sa mga plantasyon it asukar sa Negros Occidental.
Gustong masiguro it Antique provincial government nga ro mga trabahador hay may una eon nga SSS bago mag agto sa Negros Occidental.
Madumduman nga bago mag umpisa ro milling season ku Setyembre hasta Abril, ginpromisahan ro mga sacada nga iga-enroll sa SSS sa kondisyon nga igabawas raya sa andang sweldu, pero nasayran ku mga raya nga ro premium nga ginbuhin sa andang sweldu hay owa gali na-remit ku andang mga kontratista. / ANN DESLENE SALAZAR
