KORONADAL CITY- NAMAHAGI ang Department of Agriculture o DA Region 12 ng Rice Farmers Financial Assistance o RFFA sa mga kwalipikadong mga magsasaka sa lalawigan ng South Cotabato.
Kabilang sa mga nakatanggap ng tig P 5,000 na cash assistance ay ang 2,229 na mga rice farmers sa bayan ng Surallah.
Nabiyayaan din ng pinansiyal na tulong ang 1,686 farmer-beneficiaries sa bayan ng Sto.Nino.
Sisimulan naman sa Miyerkules ang distribution ng financial assistance sa 2,843 na mga rice farmers sa bayan ng Norala.
Ang ipinamahaging RFFA ay mula sa excess rice tariff na nakolekta ng Bureau of Customs mula sa mga rice imports.
