Hindi ililipat ng gobyerno ang mga pamilyang apektado ng pagtatayo ng North-South Commuter Railway project na malayo sa kanilang mga tahanan na aalisan ayon sa Philippine National Railways.
Ayon kay PNR chairman Michael Macapagal, kung ang isang pamilya ay nakatira sa Bulacan, sila ay ililipat sa ibang lugar sa loob ng Bulacan.
Aniya, karaniwang mas gusto ng mga apektadong residente na ilipat sa mas malapit sa kanilang lugar para hindi lubhang maapektuhan ang kanilang mga kabuhayan at access sa mahahalagang serbisyo tulad ng mga paaralan at health facilities.
Sa ngayon ay patuloy pa ang talakayan sa financial compensation para sa mga nahaharap sa relokasyon ngunit sinimulan na ng government housing agencies ang paggawa ng “alternative settling facilities” para sa kanila.
