HILABIHAN ang pagpasalamat ni purok chairman Alexander David sa dihang nakaabot sa ilahang lugar ang mga personahe sa Brigada alang sa paghatod og kalingawan.
Segon niini nga wala nila damha nga sila ang unang adtoan ug lingawon sa Brigada sa tibuok Sinawal maong hugot ang ilang kalipay sa gidalit nga Brigada Roleta, Ipala Ang Grasya, libreng kape, libreng gupit ug ang gikahinaman nga Bring Me Contest.
Si Laire Manomboc, halos dili maundang ang pagpahiyum ug pagpasalamat sa dihang siya ang nakalibre sa pagpagupit sa iyang anak.
Segon niini nga dakong tabang na ang libreng gupit alang kaniya tungod sa pagkamahal sa mga palaliton may savings na kini alang sa ilang panginahanglanon.
Samtang si Analyn Cusan nga winner sa Bring Me Contest halos dili mabugto ang pagpasalamat sa dihang siya ang nakadawat og five hundred pesos cash
Naglukso-luskso sa kalipay ang nahisgotan ug wala usab niini damha nga sa pagka-daghan nila siya ang makauna sa pagdala sa pitchel nga may tubig ug baso.
Dugang pa sa nahisgotan nga kon aduna pay laing kalingawan sa ilang lugar dili kini mapul-an sa pag-apil tungod kay gawas sa lingaw makaangkon pa og premyo. I Danny Casi
