EMOSYUNAL ang kanhi live in partner sa lalaking napalgang patay sa daplin sa dalan sa Cabuay sakop sa Barangay Sinawal buntag sa adlaw nga Dominggo Agusto 27, 2023.
Sa pag dihang nakit-an na ang patay nga lawas tuman ang dangoyngoy ni Jelyne Aguilo gumikan sumala pa sa iyang gibati nga kaluoy sa iyang kanhi kapuyo.
Ang napalgang patay mao si Justine Jancinal, 26-anyos nga taga Riverside, Barangay San Isidro, lead man sa usa ka ransohan sa Sinawal.
Subay sa kumpermasyon sa labaw sa Makar Police Station nga si PMaj Robert Fores adunay samad tinigbasan sa tuo nga dalunggan unya sa tiyan ang biktima hinungdan sa kamatayon.
Gisusi usab sa taga Soco ang crime scene unya ang bunk house nga gikatulgan sa biktima ug sa iyang kaubanan ug nasuta nga adunay mga likido, posible nga gipatay ang biktima sa ilang bunk house unya gilabay sa daplin sa dalan.
Hustisya usab ang ginapangayo sa amahan nga niapil sa pagpangita sa iyang anak sa dihang nadiskubrihan sa gwardya sa ransohan nga may mga dugo sa higdaanan sa biktima unya wala ang iyang lawas, samtang nilayas usab ang duha ka kauban niini sa bunk house. I Ver Diazon
