Gina-imbitar sang Philippine Red Cross-Capiz kag sang Brigada News FM ang mga pumuluyo nga magdonar sang dugo ukon magpakigbahin sa Dugo para sa KaBrigada Nationwide Bloodletting Activity nga may tema “Dugtong buhay, Dugo i-alay” nga pagahiwaton sa Purok 3 Covered Gym, Brgy. Libas, Roxas City sa maabot nga Abril 29, 2023.
Ang nasambit nga aktibidad ang pagapangunahan sang Brigada Mass Media Corporation pinaagi sa KaBrigada Foundation kaupod ang Philippine Red Cross- Capiz Chapter kag Roxas City Government.
Nagapasalamat naman ang PRC-Capiz bangud nadugangan naman ang grupo nga nagapatigayon sang bloodletting activity kaangay sang Brigada Mass Media Corp.
Ang Dugo para sa KaBrigada Nationwide Bloodletting Activity ang ikaapat na nga tuig nga nagapatigayon sang nasambit nga aktibidad kun sa diin ini ang labing una nga kahigayunan nga pagahiwaton sa probinsya sang Capiz. | Judy Ann Juare
