Ginpangunahan kang gobyerno probinsyal ang pagpanagtag kang Aid to Individuals in Crisis Situation (AICS) kagDOLE-TUPAD payouts sa norte nga bahin kang probinsya kahapon nga adlaw, Agosto 20 sa diin dya ang ginhiwat sa Governor’s Satellite Office sa banwa kang Culasi.
Kapin sa P1,974,000 ang ginbaton kang 987 ka benepisyaryo halin sa mga banwa kang Sebaste, Tibiao, Barbaza, kag Culasi sa diin kapin P2,000 kada isara sa idalum kang AICS Program.
Nagpahayag naman kang pagpasalamat si Julie Dagohoy, sangka tagbaton halin sa Valderrama, Culasi kag sangka AICS beneficiary bangud dya nga kantidad ang anang ibakal kang bulong kag maintenance para sa anang diabetes kag highblood.
Dugang pa, 534 naman ka mga tagbaton halin sa Tibiao, Culasi, kag Sebaste kag mga benepisyaryo kang Department of Labor and Employment’s (DOLE) TUPAD Program ang nagbaton kang P4,800 para sa andang 10 ka adlaw nga pag-obra.
