KORONADAL CITY — MAGPAPATULOY ang implementasyon ng mga regular program ng Department of Social Welfare and Development o DSWD-12 sa kabila ng election season ngayong taon.
Sa panayam ng Brigada News FM Koronadal kay DSWD-12 Regional Director Restituto Macuto, nilinaw nito na hindi rason ang eleksiyon upang maapektuhan ang mga programa ng ahensiya.
Nilinaw nito na ang mga bagong programa lamang ng ahensiya ang ipinagbabawal ng Comelec ngayong panahon ng eleksiyon.
Dagdag pa nito, na madalas may exemption ang ahensiya sa mga ipinatutupad nilang programa upang matulungan ang mga nangangailangan.
Nabatid, na nagpadala na ng sulat ang DSWD Central Office sa Commission on Elections o COMELEC upang payagan ang ahensya na makapag-sagwa ng programa ngayong election season.
