Kinumpirma ng Department of Migrant Workers (DMW) na nasa maayos na kalagayan ang mga Pilipinong tripulante na sakay ng MV Transworld Navigator na inatake ng grupong Houthi sa Red Sea.
Ayon kay Migrant Workers Secretary Hans Leo Cacdac, isa sa 27 Filipino seafarers ang nagtamo ng minor injury.
Agad namang isasagawa ang repatriation sa mga Pilipino na kapag nakarating na sa ligtas na daungan ang barko.
Patuloy na tinututukan ng DMW ang sitwasyon at nakikipag-ugnayan na rin sa Department of Foreign Affairs at manning agency ng barko para sa isasagawang repatriation.
