KORONADAL CITY- UPANG mapadali ang pag-check at pag-access sa Philhealth records, hinihikayat ng Philippine Health Insurance Corporation o Philhealth Region 12 ang mga miyembro na magpa-register online sa pamamagitan ng Philhealth Member Portal.
Ayon kay Atty. Zainaldin Limpao, head ng legal office ng Philhealth 12 na mas madali na lamang kumuha ng updated Member Data Record (MDR) kung nakarehistro online ang miyembro.
Makikita rin dito kung ang binabawas na contribution sa mga empleyado ay nire-remit ng employer sa Philhealth o wala.
Dagdag pa nito na agad ding maaayos ang anumang problema sa datos Philhealth member.
