Ginkumpirma it Bureau of Jail Management and Penology (BJMP) 6 nga nakapahaom eun nga magboto sa May 9, 2022 elections ro mga Persons Deprived of Liberty (PDLs) sa Western Visayas.
Sa presente, may daywa ka klase nga pagboto para sa mga PDLs, raya hay ro on-site voting kung siinmay nakapahaom nga polling place sa sueod mismo it jail facility ag ro escorted voting kung siin ro mga PDLs hay pwede nga makaboto sa andang lugar pero may escort nga BJMP personnel.
Ginpahayag man ni Jail Supt. Jairus Anthony Dogelio, spokesperson it BJMP 6 nga pwede nga makaboto ro mga PDLs pero limitado eamang raya sa mga national candidates kapareho eun eamang it presidente, bise presidente, senators, ag party-list group.
May kabioegan nga 3,939 ka mga PDLs ro registered voters sa Western Visayas./JIL B. LACSON
