Naging makasueobo ro selebrasyon it International Labor Day sa mga Labor Sectors it Western Visayas bangud uwa nagpaguwa it order ro Regional Tripartite Wages and Productivity Board (RTWPB) angot sa hagna sa pagpataas it minimum wage sa region 6.
Base sa pahayag ni Secretary General Wennie Sancho it Labor Representative, uwa sanda naga-ekspekta nga indi madayon ro deliberation ku April 28-29 ag gin-reschedule pa raya sa May 12 hasta 13 bangud indi segun available ro pila kamga representative it gobyerno.
Bse man kay Sec. Gen. Sancho, sambilog raya ka taktika it gobyerno agud i-delay ang pagtaas it sweldo sa mga trabahante.
Nagpahayag man si Sancho sa gobyerno nga taw-an it pansin ro panawagan nanda nga ipataas ro sweldo it mga trabahante bangud daywang dag-on eun nga uwa nagasaka ro minimum wage it labor sectors./JIL B. LACSON
