LEAGZPI CITY – Target ngunyan kan Philippine Coconut Authority (PCA) Bicol na mairehistro an gabos na mga paraoma nin niyog asin trabador sa National Coconut Farmers Registry System.
Segun kay PCA Bicol Regional Manager Mateo Zipagan, nagtabang-tabang an manlaen-laen na mga gobyerno-lokal sa rehiyon nganing mairehistro sa an mga paraniyog asin makapag-avail ki mga benepisyo na pigtatao kan gobyerno.
Maabot sa labi 300,000 na mga paraoma asin trabador an target na maisabay sa nasambit na system.
Sa ngunyan, pigkakarkulong nasa 120,000 an nairehistro na asin kada duwang taon, dapat mai-update an gabos na nakarehistro.
Obheto kaini na ma-avail ninda an mga programa asin cash incentives o mga subsidies gikan sa PCA asin sa Department of Agriculture.
