NAKAPANUMPA na ang mga opisyal ug mga miyembro sa City Hall Press Corps sa General Santos City Agosto 3 sa kasamtangan nga tuig, tinambungan sa mga bag-ong napili ug na-appoint nga mga opisyales sa syudad.
Sa handum nga subling mahugpong, mapalig-on ug makatabang sa kalamboan sa syudad gimugna ang City Hall Press Corps nga nalabyan na sa pipila ka administrasyon ug wala nahugpong.
Sa tabang sa mga hanas ug mga bag-ong magsisibya sa giya sa mga opisyales sa Philippine Information Agency kon PIA nahimong posible ang tanan.
Sumala sa Division Head sa City Information Office nga si Rombel Catholico kinahanglan mapalambo ang panaghiusa sa media ug ang pagtambayayong sa LGU Gensan, gipahimangnoan usab niini ang mga opisyales nga dili tanan tam-is ang pagka-opisyal kay usa kini ka tawag sa pagserbisyo.
Samtang ang mensahe usab ni Kagawad Dominador Lagare Jr. nga sorry na lang sa mga miyembro sa media nga wala kaayo eksena sa ilang election of committees sa ika 20 nga Sanggunian gumikan sa iyang panglantaw naga cooperate ang tanan alang sa hapsay nga session ug wala kaayo isyu nga pyestahan sa media.
Gisugyot usab ni Kagawad Elizabeth Bagonoc nga mamahimo sila nga miyembro ni Kagawad Atty Kan Balleque sa Press Corps gumikan hangtud karon media gihapon sila.
Samtang usa ka mensahe sa napili nga presidente nga si Anter Alcos Antogop nga kalimtan na ang nahitabo sa piniliay ug mga isyu politika kinahanglan mag move on unya batukan ang fake news pinaagi sa mga husto nga impormasyon alang sa kalamboan sa syudad. I Ver Diazon
