PADAYUN gihapon ang AMPING program sa LGU-GenSan bisan pa kon may gamay na lang nga nahibiling pondo alang niini.
Segun ni Alvin Veneracion, Executive Assistant on Barangay Affairs sa Office of the City Mayor sa iyang pagkahibalo, padayun gihapon ang paghatag og ayuda sa mga nanginahanglan luyo nga may pagkunhod o limit sa ayuda tungod na usab sa limitadong pondo.
Butyag ni Veneracion nga may tulo na lang ka ospital nga naay agreement sa LGU alang sa AMPING program.
Una nang gikabutyag nga adunay P60 million nga bayrunon ang kanhing administrasyon sa implementasyon sa maong programa ug anaa na lang sa P19 million ang nabiling pondo nga gamiton alang ning tuiga.
Giangkon usab ni Veneracion nga murag nagkasalimuang ang kasamtangang administrasyon sa paghimo og mga pamaagi aron nga masulosyunan ang mga problema sa pondo ug mapadayun ang mga serbisyo.
Apan giangkon nga hand on matud pa si Mayor Lorelie Pacquiao sa pag-atubang sa mga nag-unang problema sa syudad ug masulosyunan.
