GIAWHAG sa Department of Trade and Industry (DTI) sa Soccsksargen region ang mga konsumante nga mopalit sa mga supermarkets asa ang presyo sa mga palaliton ang regulated. Kini dungan sa pagkadawat nila og taho nga halos tanang mga supermarkets, grocery stores sa rehiyon ang misunod sa May 11 suggested retail price (SRP) sa mga nag-unang palaliton.
Matud ni Flora Gabunales, Officer- Incharge (OIC) regional director sa DTI-12 sagad mga reklamo nga naabot kanila kalabut sa presyo. Mao ang pagsaka sa presyo sa prime commodities sa mga gagmay nga tindihan o mga tindahan nga naga-retail.
Luyo niini, giawhag usab sa opisyal ang mga konsumante nga i-download ang DTI’s e-Presyo application nga mao ang dti.gov.ph aron makita ang mga tindahan nga nagtanyag og barato nga presyo. Samtang ang tanang gikonsidera nga While basic necessities ug prime commodities ang sulod sa SRP.
Giangkon sa pipila retailers nga diriyot nga misaka ang ilang presyo sa non-essentials kini ang dili lakip sa DTI monitoring ug regulasyon sa DTI. Lakip sa non-essential ang toiletries sama sa shampoo ug toothpaste. I Richel Gubalani
