GIPAHULAT na lamang sa Department of Social Welfare and Development o DWSD region- 12 ang mga nag-aplay online sa educational assistance og text gikan sa ilahang buhatan aron nga mahatagan sa maong hinabang.
Dungan niini gibutyag sa bag-ong regional director sa DSWD-12 nga si Loreto Cabaya nga kadtong nakadawat og text ang maoy makaadto lang sa pay-out aron dili magkagubot sa adlawng Sabado.
Giklaro usab niini nga adunay timeline ang paghatag sa educational assistance nga lima ka Sabado apan nagpadayun ang maong programa sa ahensiya ilalom sa Assistance to Individual in Crisis Situations kun AICS sa DSWD.
Sa karon dugang pa ni Cabaya nga gina-evaluate nila ang kadtong unang naka-aplay online aron nga masuta kung angayan ba gayud makadawat sa maong ayuda hinungdan nga giundang una nila ang online application.
Ang laing hugna sa releasing sa educational assistance karong Sabado, Setyembre 17 ug Setyembre 24.
