LEGAZPI CITY – Tinawan nin pagbisto ni Camalig Municipal Mayor Caloy Baldo an mga nagin parte sa matrayumpong operasyon sa pagresponder sa pag-alburoto kan Bulkan Mayon sa nasambit na banwaan.
Kasarabay sa mga binisto an Philippine National Police, Bureau of Fire Protection, Bureau of Jail Management and Penology, Ligao City asin Polangui Fire Stations, pati na an manlain-laing departamento kan LGU.
Segun kay Baldo, nagin epektibo an saindang pagresponder asin an pagbistong ini bilang pagtao na man sainda nin motibasyon na manteniron ini.
Mientrastanto, nagpasalamat man an alkalde sa gabos na personahes na nagin parte kan operasyon na dagos an pagtatao nin marhay na serbisyo sa publiko.
