Naga padayon sa gihapon ru programa it Philippine National Police (PNP) sa kampanya nga Tokhang Kontra Armas Luthang (TKAL) sa Municipalidad it Makato sa Aklan.
Naga padayon man ru pakikipagpueong it Makato MPS sa komunidad agud mapa athag nga kinahangena nga isurrender ru mga uwat lisensyang baril o loose fire arms nga gina huptan it mga individual.
Raya ru gina tutukan sa makaron ni PCPT Mark Daryl Villanueva, OIC Chief it Makato MPS.
Sa datos it Makato MPS, naga-abot sa 2 ru sunod-sunod nga nag surrender it baril nga gin turn-over sa Makato MPS ku nagtaliwan nga October 16 ag 21, 2023.
Naga pamatuod sigun nga ru programang TKAL hay mapag-on nga kompanya ag programa it gobyerno.//MARIVIC Y. ILIN
