LEGAZPI CITY – Magiging maigot ngonian an lokal na gobyerno kan Tabaco sa mga naggagamit nin electric vehicles, kun sain oobligaron an mga ining magparehistro kan saindang mga behikulo.
Segun kay City Councilor Renir Burce, oobligaron na ninda an mga tagsadiri asin nagagaramit nin mga e-vehicles sa tinampo na, kun sain subuot, igwa na sindang permit hale sa LGU kan nasambit na syudad.
Segun pa kay Burce, kaipohan suboot na magkua nin permit sa LGU Tabaco an nasambit na mga behikulong nagdadalagan nin dae maabot o malagpas sa 50kmph, asin dapat man na igwa nin driver’s license na hale sa LTO.
Dugang pa kan opisyal, madali na subuot nindang iimplementar an mga regulasyines para sa mga nagagaramit nin e-vehicles sa syudad, ini ngani man maibitaran na maimbwelto sa aksidente an mga behikulo sa tinampo.
