KALIBO, AKLAN — Nagaabot eon sa 7,716 ro numero it mga nabakunahan kontra sa covid-19 sa banwa it Kalibo.
Base sa pamunuan it Municipal Health Office (MHO-Kalibo), kapin sa 3,245 eon ro nataw-an it first dose samtang 4,425 ro nakabatun it second dose o fully vaccinated nga pumueuyo nga sakop it priority group nga A1 hasta A4.
Ro kabilugan nga numero it doses it bakuna nga naiturok hay nagaabot sa 10,016.
Pero maeayo pa segun raya sa target nga 50,000 eligible population para maabot ro ginatawag nga herd immunity.
Pila sa mga nakabatun it bakuna hay ro mga OFWs nga nakataeana nga magbalik sa abroad. / ANN DESLENE SALAZAR
