BATAN, AKLAN — Arestado ro limang mangingisda bangud sa illegal fishing sa banwa it Batan, Aklan.
Naaresto it Batan PNP ro limang mangingisda sa ginpatigayun nga pagpatrolya sa kaeawran nga sakop it nasambit nga banwa.
Narekober sa mga suspek ro limang kilo it alimango nga nagabalor it P1,000, baroto nga nagabalor it P60K, ag crabpot nga may balor nga P340.
Magapangatubang ro mga suspek it pag-eabag sa Violation of municipal ordinance sa idaeum it Republic Act No. 8550 o “The Philippine Fisheries Code of 1998. / ANN DESLENE SALAZAR
