Nagpahimangno karon ang otoridad sa mga motorista nga mobyahe nga magdoble amping nunot sa sunod-sunod nga disgrasya sakadalanan nga natala sa nagkadaiyang bahin sa rehiyon tungod sa kadanlog sa dalan epekto sa Bagyong Dante.
Kagahapon alas 7:30 sa buntag, usa ang patay samtang duha sab ang samaran sa karambola sa duha ka sakyanan sa Barangay New Sibonga Nabunturan Davao de Oro.
Ang nakabsan giila sa report saNabunturan PNP nga si Honey Yzzabel Albania 22 anyos nga empleyado sa usa ka bangko nga residente sa Sillawan, Matanao, Davao Del Sur.
Sumala kang Police Major Bienvenido Cuizon Jr., paingon sa Nabunturan ang Hyundai Eon nga gimaneho ni Albania dihang kalit kining mikawat og linya sa pikas dereksyon nga gilatas sa Ford Fiesta 1.5L T Sedan.
Ang Sedan gimaneho usab ni Junreal Lacaden, 35 anyos, PNP member sakay ang iyang asawa nga si Jingle Lacaden 30 anyos ug didto natigayon ang Head on collision
Gisulayan pa sa rescuers gikan sa Nabunturan Emergency Response Team (NERT), BFP-SRU sa DDO, PNP Nabunturan MPS ug Philippine Red Cross-DDO Chapter nga dad-on sa ospital ang bitkima apan gideklara gihapong dead on arrival.
Ang bangga natigayon taliwala sa pagbunak sa ulan kagahapon sa buntag.BNFM-DAVAO