NAGPAHIGAYON na og imbentaryo ang taga DILG ug taga COA sa mga barangay bag-o mopungko sa hingpit ang mga bag-o nga opisyales sa mga barangay sa Malungon, Sarangani Province.
Sa Barangay Datal Bila adunay gipaabot nga kabalaka ang pipila ka residente ug ang nakadaug nga kandidato sa pagka kKapitan gumikan sa impormasyon nga adunay nanghakot pagawas og bangko ug lamesa gikan sa sulod sa ilang Barangay Hall.
Sumala ni Kapitan Elect Andy Matchoca nga nagapakabana gayud ang mga katawhan sa ilang barangay kay gina report ang unsa mang kadudahan nga mga butang ug usa niini nga adunay nang-alsa og kagamitan gikan sa sulod sa barangay hall.
Ang Acting Punong Barangay nga si Kagawad Elect Norman Dajay nagpaklaro nga ang gihakot sa kanhi konsehal sa munisipyo nga si Ben Santos dili kagamitan sa barangay kondili iya sa naghakot.
Naghatag higayon ang Brigada News Team kay Santos aron nga matubag ang concern apan hugtanon kini nga mibalibad kay nahuman na ang eleksyon magkapahilom na lang daw siya sa karon. I Ver Diazon
