Makonsidera na isip kandidato ang usa ka personalidad nga makaduso sa certificate of candidacy alang sa Barangay ug Sangguniang Kabataan Elections karong Oktubre 30 ning tuig 2023.
Sumala ni Comele-10 Regional Director Atty. Renato Magbutay nga kabahin kini sa gihimong inobasyon ni Comelec Chairman George Garcia.
Mahimo na nga kandidato ang nakaduso sa COC hangtod sa pagsugod sa campaign period, kini sukwahi sa national and local election nga ayha ra mahimong kandidato ang usa ka tawo sa pagsugod sa campaign period.
Kahibaloan nga magsugod ang COC filing sa August 28 hantod sa September 2 samtang ang campaign period gitakda sa October 19 hangtod sa October 28, 2023.
