GIPANINGOT ang mga mabdos nga inahan nga nakigsayaw sa Brigada Angels atol sa ika 17 ka End Stunting Now Activity sulod sa Family Planning Unit sa Dr Jorge P. Royeca Hospital Mayo 31, 2023.
Usa sa niapil contest sa panindutay mosayaw mao si Jessa Mar Parreno gikan sa Sunrise, Brgy Lagao,swerte usab siya nga nakabunot sa libre nga ultrasound.
Ang laing gi swerte sa bunot sa coupon mao si Angelika Basio, 26-anyos gikan sa Olarte, Labangal, nakadawat siya og usa ka libo ka pesos.
Ang ubang mga madbos nakadawat og infant kits, libreng arroscaldo ug tubig, gisalo usab sa taga Family Planning Unit ang premyo sa ubang niapil sa contest pinaagi kay Midwife II Merchel Gabonada.
Live usab nga nadunggan sa 89.5 Brigada News FM Gensan ang activity sa pagpanguna ni sir Ernie Gabonada.
Gidasig usab ni Brigada Baby Kho ang mga inahan nga amomahon ang mga anak aron malikayan ang pagkabansot o stunted kay ang mga anak usa ka gasa ug ang pagmabdos usa ka journey.
Kahibaluan nga ang End Stunting Now Activity ginahimo matag adlaw nga Miyerkules sa Family Planning Unit sa Dr. Jorge P. Royeca Hospital Compound alang sa mga inahan nga mabdos unya nagatambong sa ilang Pre Natal Orientation. I Ver Diazon
